Dear Mama,Kumusta namo ni papa? Nag cge gihapon mog date didto likod sa atong balay? Puhon ma maka visit ko ninyo diha ni papa mag dye tas imong buhok. Kay mao jud ni permi imong e.sugo nako once a month kay para wa kay uban. Bisag di ko kahibaw nakat.on nalang pud ko kay para di ka halata nga senior citizen naka. Gi ingnan tika nga atong ipa blond imong buhok pero di ka mo sugot kay imong idol si Marian Rivera.
Mahibong nalang ko nimo mag tanaw kag TV mag atang ka usahay sa next sequel ni Dingdong Dantes. Nganu mag atang man kang Dingdong nga naa man ko? Naa pay maminaw mo ni papa og drama sa radyo while nag tuk.ong mos lamisa kay naniudto.
Sukad ni barog ko sakong kaugalingon tiil mader dako na kaayog deperensya. Wa nay mo pukaw nako inig buntag para kuhaon ang punda og habol aron ma apil og laba.
Wa nay mo laba sakong mga bulingon og mo tahi sakong nanga wagart nga brep katong nag skwela pako sa elementarya. Pag highschool di pako kalimot imo kung pa dalhon og bawnanan nga ang kan.on gi dasok pag maayo aron di magutman. Pero akong kwarta mahurot ra gihapon kay lami man ang singkamas og gi slice nga penya sa tindahan.
Wa nay mag duwa og solitary sa sala sukad tua namos probensya ni papa. Ang lamisa nga butanganan sa imong baraha napulihan nalang og charger sa cellphone og ashtray. Sukad naa naka sa probensya wa nay mamadlong sa mga bata diri kay pang bali.on imong mga tanom og buwak.
Puhon maayong tempo og dagan sa panahon mo pakalit rakog abot dra sa ato. Mo kalit rakog butho sa atong tugkaran. May nang ambush tirada sa akong pag abot para pakurat og medyo na I drama kay surprise kuno.
Imong anak
No comments:
Post a Comment